Home Creators Posts Import Register Favorites Logout
haven't archived this post yet. have a subscription? use the importer!

Content

終於有一個似返啲樣嘅反彈,中央呢轉真係睇唔過眼,見到外資金咁樣沽法要出嚟穩定軍心。之後要睇後續政策發展如何。希望佢哋唔好好似之前咁講就天下無敵,見到個市場彈番啲,之後又綁手綁腳唔肯做嘢。之前恆指跌穿16,000點之後沽空都升得幾快,所以都提供更多嘅燃料做呢次夾反彈。

人民銀行意外宣佈將於2月5日下調金融機構存款準備金率0.5%,會釋放一萬億嘅流動性,並暗示未來將採取更多支持措施,突顯出政府對振興經濟和阻止股市暴跌的緊迫性日益增加。 記得上次23年9月降準只係減咗0.25%,所以今次嘅力度同埋時間都出乎市場預料之外。當然再有傳就係2萬億平準基金,呢舊錢主要係國企資金放喺離岸市場。似乎黨就唔係好想大力放水,費事一陣掃完貨之後匯率又跌,等於白買。

另外重要就係中國國資委話會研究將市值管理納入央企負責人業績考核,即係代表做國企做官嘅要托股價先可以升官發財。而中電信都講關於市值管理,在積極探索和研究中。再加上國資委話要著力提高央企控股上市公司的質量,強化投資者回報;維護好國有資產的安全同埋積極利用上市公司的平台,將優質資產注入上市公司。所以星期三、四啲國營企業SOE估升到好犀利 (883, 857, 941, 1766, 728, 390, 1800, 1898) ,仲有啲國企子公司都表現得唔錯。

喺地產方面,人行同國家金融監督管理總局周三晚間發布,將允許經營性物業貸款用於償還存量房地產領域的相關貸款和公開市場債券。呢個措施都會對內房嘅流動性有幫助。

呢轉啲flows集中喺啲價值觀又或者係國企,科技股就少啲。亦都有好幾個基金問關於國企呢一方面嘅嘢,始終如果而家買啲國企,隨時收緊7-8厘利息,甚至更高,有唔錯嘅安全邊際,而且幾間大行都推緊,所以科技股星期四係跑輸個市。

大市連續反彈三日,由低位計都有10%。短期當然要睇政策嘅持續性。不過呢幾日相信每日A股收市之後都會有新聞發佈會講解政策,希望今次呢個浪可以去到農曆新年前。另一方面,星期三四都有長錢買(long-only funds),始終佢哋中港股票嘅比重而家係非常之低,大部份嘅比重可能係10-15%(而日本係40%),之後就到台灣印度,亦都有基金覺得買A股比買港股好,始終大陸要托嘅一定係A股。

最後就係嚟緊香港會為23條立法,可能新年後又會有波動。今日啱啱中國同新加坡宣布互相免簽證,似乎比較好會係金沙LVS,買佢哋嘅新加坡賭場,又或者新加坡嘅銀行業。

Market

HSI: 解釋港股死貓跳操作過程

上個星期四嘅港股update,我解釋過恆指喺最近一年每一浪跌都係跌10至13%。而今次都跌得差唔多 + 落到超賣(RSI < 30)隨時有短期反彈。

不過我哋唔接刀仔嘅 (don't catch a falling knife),所以要等有改變先可以追出入。嗰個改變就係星期一出嘅巨大救市場政策。

星期二早上,我開始玩死貓反彈 dead cat bounce(意思係最垃圾嘅股票都會有機會反彈,就好似如果你好高扔隻貓落街就算佢跌死都會彈一彈)。早上買恆指期貨,用前日嘅低位做stop loss,博佢反彈(因為如果真係反彈嘅話冇理由佢跌返低過尋日低位㗎,如果跌到咁低嘅話咁即係我諗發錯啦)

(time stamp in Canada time zone)

由星期二買入至而家升咗差唔多5%

喺操作方面:佢一道升就將只是一道推高stop level。由原先星期一嘅低位推到去買入點,然後再推多啲變成止賺。

如果睇返之前嘅跌浪同埋反彈,有一半時候反彈只係反彈跌嘅一半(即係如果跌10%嘅話佢就會反彈5%)。如果咁睇嘅話,而家差唔多可以食糊。至少食啲先啦,咁會坐得安心啲。其餘嗰啲就繼續揸住睇吓今次可唔可以反彈返到17,000或者40,000點。

Watchlist

喺嗰邊股票方面,以下係我留意緊比較強啲嘅港股。有啲已經突破了,有啲接近突破(紫色條線)。

除咗搵好嘅set up (即係以上嗰啲),明白個市場狀況都重要。因為唔同交易策略喺唔同市場狀況嘅表現不一樣。玩動力好似突破咁,如果個市係跌緊或者好弱好似港股咁,表現唔會好好。所以係咁嘅情況,我只係將少量嘅資金放在港股(例如1088)。

尤其是其他股市好似美股同入日股咁強,賺錢嘅機會會多啲同埋容易啲。

未突破

2328

1288

1157

1258: 比較細嘅股票,可能妖。小心啲。

1919: shipping 行業 benefit from red sea conflict

1171: catch up to 1088 and 1898?

已經突破

1088 前幾日揸住都有啲驚,但係估唔到咁快就反彈創新高

1816

1164

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only