日記~30/3/2021 ~ 最易自殺的情緒 (Patreon)

星期二      晴      29°C 昨晚開住收音機聽咗一晚直到6點幾，估唔到開住收音機會好好瞓，都未醒過 (在獄中聽收音機必須要用耳筒)。今日又有人出冊，食早飯時都祝佢一路順風永不回頭，估唔到終於見到有人流眼淚，話曬都十年，雖然未夠三十歲，由十幾歲坐到而家廿八 廿九，我雖

星期二      晴      29°C

昨晚開住收音機聽咗一晚直到6點幾，估唔到開住收音機會好好瞓，都未醒過 (在獄中聽收音機必須要用耳筒)。今日又有人出冊，食早飯時都祝佢一路順風永不回頭，估唔到終於見到有人流眼淚，話曬都十年，雖然未夠三十歲，由十幾歲坐到而家廿八 廿九，我雖然識咗佢四個月，眼到佢眼紅紅眼淚都流出來，攪到我都有眼濕濕呀！完全明白他的心情，即使出到去回復自由，但始終係人生最青春的十幾年係到渡過，唔怪得懲教職員話，一係一入來，一係臨出冊，最多囚犯會想自殺。

工作完成後，又要上三樓休息，因為地下要裝修，上到去又做唔到什麼。Lunch又落返地下，下午完咗工作又上三樓休息，好L煩！沖完涼又要去地下攞嘢，沖完又返三樓，坐一陣又要落返去，走來走去，坐一陣又食晚飯了！照舊夜藥。