日記~ 29/3/2021 ~ 出冊前的煩惱 (Patreon)

星期一               先陰後晴今日有囚友出冊，捱咗咁耐，見到佢地並非特別開心，咁多個如是！雖然我入獄唔太耐，已經見到六至七位囚友出冊，出冊前會有講座，做好心理準備，例如工作住宿及金錢問題，而從他們的口中，第一次聽到一個機構—善導會！到底善導會點樣? 相信我臨出冊前，

星期一               先陰後晴

今日有囚友出冊，捱咗咁耐，見到佢地並非特別開心，咁多個如是！雖然我入獄唔太耐，已經見到六至七位囚友出冊，出冊前會有講座，做好心理準備，例如工作住宿及金錢問題，而從他們的口中，第一次聽到一個機構—善導會！到底善導會點樣? 相信我臨出冊前，一定會介紹! 因為出冊後要面對各種壓力，所以大家都係好擔心咁出冊，尤其坐左十幾廿年，由十蚊七個橙變成廿蚊四個，路都唔同晒。食完早飯，他便去指模房等出冊！！

9月快啦！今日都冇什麼特別，原來探訪時入咗咁少物資比我，職員派完之後，我漏咗喺期數活動室，明天去攞返，希望無比其他人攞走。因為石壁地下活動室要裝修加裝CCTV，所以要上三樓活動，唔知係咪昨晚瞓得唔好，全日都好眼瞓。沖涼、食早(即晚飯食16:30)，之後返倉幫個囚友按摩咗幾下，因為佢坐喺到唔係瞓低，所以只有限度去做幾下，希望幫到佢。(囚友知道我係香薰治療師，學過按摩)

之後玩下結他，原來又發現另一位結他高手，波仔好少出聲個位，勁，我啲舊歌全部彈得好好，又識唱！(監房時間太多，要學一樣嘢，真係有好多時間) 玩咗一陣又要返房啦！希望快啲收到新歌譜啦！收到啲歌譜，都係用住先，返出去要重新整理！