日記~31/3/2021 ~ 咳出血去照肺 (Patreon)

星期三      晴              一早通知要去荔枝角，心想應該都係照CP or MRI (因為入獄前咳出血，應該吸得太多催淚彈，所以安排去照肺)，北大嶼山醫院照照個肝，既然喺大嶼山何必要我去荔枝角呢？早飯過後，工作如常，就返去活動室準備一下，用鉛筆做定結他Note，

星期三      晴             一早通知要去荔枝角，心想應該都係照CP or MRI (因為入獄前咳出血，應該吸得太多催淚彈，所以安排去照肺)，北大嶼山醫院照照個肝，既然喺大嶼山何必要我去荔枝角呢？早飯過後，工作如常，就返去活動室準備一下，用鉛筆做定結他Note，等假期唔使咁悶，好在去指模房之前豪哥有派信給我，有信寫下在假期都唔使咁悶，去到指模房”踢竇” (即係搜身) 時第一次被”踢走” (即係沒收) 物品，傷心呀！收左我支鉛筆 (因為支鉛筆係囚友比我，原來職員用的跟我們買的是有分別，下次自己糧單買啦) ！好在職員無鎖我。石壁今次有四個人出去，不過都唔啱傾，有林叔陪下我。（今日派轉季衫！收佢個死人頭咩）（今日收到有小部份新歌歌譜）去到荔枝角都係咁，指模房等呀等，見官打字模，等再見大官，做過張新ID，三點九到等到八點先去沖涼，食飯後成九點先到倉，派夜藥又再次`漏咗派比我，又要再嘈，好在派藥個呀SIR都好好人，叫我食完藥早啲瞓！