重臨舊地 百感交集 (Patreon)

第一步踏入石壁，係雙手帶上手扣，身穿囚服，坐著囚車進入。今日換個身份，同張錦鴻前議員一同，用探訪者身份探訪，心情相當難以形容。今日探訪的，就是當年我受審時，每場官司都有到場聽審的撐場手足，來到石壁門口，心中酸了一吓，淚也擁了一吓！往日在內今日在外！感嘆如此繁華興盛文明的香港，竟然到了如斯田地，可悲。 在東涌跟張錦雄會合，其實已經知道我們要探訪的手足在荔枝角要上庭，一早十點半已經開始打電話比石壁福利官，但一直無人接聽，所以未能肯定他會否返到石壁，但張決定走一趟。結果我們去到了石壁係白走一場，他真的未能回到石壁，只有下星期再去吧！雖然有點失望，但當我身份改變了的時候，面對懲教署職員的心情絕然不同。往日在內，你話乜就乜，今日在外，話我點解唔打比福利官，我就有點脾氣地回答，打左十幾次都冇人接囉！頓時，懲教職員靜晒，冇人出聲，只好開門讓我們離開。 心酸地進入，氣憤地走出，又一証明懲教署的錯漏百出，不負責任，做事求求奇奇！石壁，下星期見！離開時，見到一隻牛牛，唔知係咪當年五點幾就嘈醒我個隻呢？