日記~1/4/2021 ~ 提早五日出冊? (Patreon)

星期四    （晴）    30°C 係荔枝角六點就被叫醒食早飯，即係今日又係要上午睇醫生啦！冇問題啦，食完早飯做好準備，八點未夠出倉了，去到指模房，是否有人今日出冊呢? 原來佢4月6日先出冊，賺到盡啦(原來公眾假期是不能出冊，所以通常會提早一日比佢出冊，由於復活節加上星期日，足

星期四    （晴）    30°C

係荔枝角六點就被叫醒食早飯，即係今日又係要上午睇醫生啦！冇問題啦，食完早飯做好準備，八點未夠出倉了，去到指模房，是否有人今日出冊呢? 原來佢4月6日先出冊，賺到盡啦(原來公眾假期是不能出冊，所以通常會提早一日比佢出冊，由於復活節加上星期日，足足提早五日可以出冊) 。我係指模房搞一大輪，終於係去北大嶼山照CT，應該照個肺，檢查下啫。今日係石壁洗衣的輝哥同霖哥帶我睇醫生，都係石壁人，輝哥好好人，11點已經返到荔枝角，搞完晒啲手續，返到期數都未食包妹。對住成班道友，仲要到7號先可以走，想死！因為大嶼山出去荔枝角係稱水路，以前無大橋，所以坐船去昂船洲連同喜靈洲一齊，直到現在如是。

下午到囚友林叔去覆診，得阿肥同廚房（Pantry位叔叔）只好自己繼續寫信啦！啲粥好L稀，又得一片包，點會飽呀！晚飯都食咗好多飯，有多幾碟飯，攞多一份菜啦，依然係水房等人走晒先安排Single Cell囉！