日記~4/4/2021 ~ 獄中身份証(牌仔)/一藍一黃  (Patreon)

星期日   （陰）    28°C 清晨未夠五點，隔籬房就發神經拍床移床，好L嘈，嘈到阿SIR走來問佢，又話冇事，頂佢個肺，好啦！到出去攞牌仔(即係監獄內的身份証，有名有相有期數，仲有 堅把<扣減三份一後的出冊日期> 流把<真正出冊日期>，cape A c

 星期日   （陰）    28°C

清晨未夠五點，隔籬房就發神經拍床移床，好L嘈，嘈到阿SIR走來問佢，又話冇事，頂佢個肺，好啦！到出去攞牌仔(即係監獄內的身份証，有名有相有期數，仲有 堅把<扣減三份一後的出冊日期> 流把<真正出冊日期>，cape A capeB or capeC ，定罪嫌等….及其他資料) 。就快知隔籬不停喺張床到撞（拍齊啲書）仲要好大力同10分鐘左右一次個樣，雖然係廿幾歲，但一睇就知佢精神有問題。晚上返倉時同佢講咗6點半前唔好整嘢嘈住其他人，希望佢明白。

返到期數有嘢「醒」ON啦！(牛肉) 因我唔食用牛！哈哈明啦，我想要Curry。未食早飯，即刻同肥仔捉下棋，其實我好多時贏佢，不過自己冇耐性，明明有勝算都冇耐性隨便行，都好今日有贏有輸啦！

同石壁幾位囚友一齊，Pantry大叔、洗衣同年大叔、阿肥同阿林叔。Pantry大叔成隻死藍屍，冇腦豬一樣，洗衣大叔都係黃，佢地兩個拗到七彩，大家都係大陸落來，一藍一黃，一個係了解，一個老慒董，真係講多都浪費時間，決定唔同佢兩個講嘢

除了昨日昨晚有禮物包外，今晚嘅禮物包係最大包，有薯片、豬肉乾、綿花糖等等，一邊寫日記一邊食。食藥方面因為自己處理，的確好啲！！