放學後～等三次踏入石壁 (Patreon)

石壁係全港最高設防的監獄，球場上設有電纜，五步一個閘，已經出晒名。今日已經係離開石壁後，第三次返去探訪手足，今日問返手足，原來杜啟華現在同佢同一期數。杜啟華係邊位？一講新城咬斷手指個位兄弟，你一定記得。我還記得在2021年頭，杜啟華剛到石壁的情景，還記得他的一句說話“原來監獄入面都可以咁開心”....因為星期日，大家聚埋一齊彈結他唱歌仔，玩足六、七粒鐘，試問在牆外怎可能有個地方比大家聚埋咁樣玩？原來已經有三年多，當時我同佢都係唔同嘅期數，見面機會小，幸好我做流倉（即係清潔），可以四圍走，所以見面機會多了小小。也因為我在2021年5月就過左界去赤柱，所以都跟他小聯絡，但我每年聖誕都有寄咭比大家，只是收不到他回信！現在知他依然在石壁，就寫封信比佢。今日探個衰仔22歲仔，之前已經入過沙咀（石壁旁邊的YP(Young Prison) 少年監獄，未滿21歲，現在係第二繭，身上重有一條褲，九月轉身份返荔枝角，全部都係社運的莫須有罪名！一個未滿十八歲就開始不停進進出出監房，可悲。幸好，係入面都肯讀吓書！一個普通人，有幾何可以同黑社會打上交道？但在監獄入面就剛好相反，十個人有9.9個都係黑社會，每日都要同佢地一齊，唔多唔小都會有影響！三十分鐘的探訪，手足有事須要我們幫忙，但都只能盡上責任通知他家人，家人點去處理，留代他們自己決定。開心再跟張錦鴻先生再次一同探訪手，大家加油啦！