日記~5/4/2021  ~ 有限資源，無限創意 (Patreon)

星期一  （陰）微雨     28°C（21°C）  90%濕度 今朝七點左右起身，昨晚未夠兩點，隔籬房又喺到嘈，喝咗一次大聲叫佢收聲，就收晒聲，好在都瞓得返。天色灰灰，果然清明時節雨紛紛。 今日又要留喺F3食完早飯先返新翼期數，今日唔食豬，留比其他人食啦！好在有帶書「我想吃掉

星期一  （陰）微雨     28°C（21°C）  90%濕度今朝七點左右起身，昨晚未夠兩點，隔籬房又喺到嘈，喝咗一次大聲叫佢收聲，就收晒聲，好在都瞓得返。天色灰灰，果然清明時節雨紛紛。今日又要留喺F3食完早飯先返新翼期數，今日唔食豬，留比其他人食啦！好在有帶書「我想吃掉你的胰臟」細細本方便帶，都幾得意，慢慢睇啦，都未睇完！返到新翼期數都十點幾，今日遲咗好多。想起我要9月尾先出冊，清明都過了，要出年先去得拜山啦！喺期數都係寫下信，捉下棋，睇電視咁，中午食咖哩飯，開心(因為個ON願意交換，只有係荔枝角先可以食到咖哩餐)。寫咗好多歌名，比朋友幫我搵歌譜，盡快整好歌譜，我9月尾走，5月整好，仲有四個月玩下。今日有一個新想法，就係利用口罩的橡根，用筆尖穿孔，可以做成一本新歌書。今日見到大洲(喜靈洲)啲人做啲危險動作，唉！怕佢地出事！同Pantry大叔一句話都唔講，人一藍腦便殘！無得救。晚飯後返單人倉，阿其（花名七其）年青鮮肉非法集結違犯宵禁令入來拋(還柙)，4月7日上庭，祝佢好運啦！