與鬼同眠 (Patreon)

香港新界面積甚大，而且很多山墳墓地，陽宅陰宅只是一路之隔。小弟住在新界某條村的村屋，而村屋在一個山腰之間，山腳已有多個墳墓，每日都會經過，不單如此，而在山的另一邊更是一個原居民墳場，如圖示。

村屋另一個問題就是不能種一些大樹在旁遮陰，榭根會破壞屋的結構，無遮陰下，就變成由朝晒到晚，屋內非常熱。

作者2011年搬入，為了遮陰於是在天台鋪上假草皮，再種了很多大型盆栽，果然溫度改善了很多。但靈異事件在兩個月之後發生了，由於房間有一部電視，可以邊睇邊睡；一晚忘記關電視便訓著了，半夜轉身時，無意碰了搖控，聲音開始大了，突然耳邊有位男人聲:「使唔使咁撚大聲呀」，小弟立即醒了，睇到一個黑影由身邊快速閃出窗口，定一定神，到底"與鬼同眠"了多久?

翌日，立刻致電師傅，約好時間來睇睇，一睇之下，最大獲係天台，鋪了假草皮及泥土全部落地，師傅問有什麼人會訓係泥土下面?什麼人會訓係草地下面?唔招野佢地才怪... 又係喎!加上同墓地同一座山，同一個地，過客特別多。

於是在師傅指點下，天台盆栽要架空不能落地，在家中從新安過原有的神枱及重新請神到位，師傅幫作者清身，擺上一些風水物品及起了結界，因為這是祖屋已無人住多年，作者只係搬回去幾個月而矣!