日記~ 9/4/2021 ~ 齋戒月/懲教玩新人 (Patreon)

星期五        陰天 21-23 今朝好遲起身，成七點先知醒，連廣播都嘈唔醒，好在起到身。一起身就聽住收音機，好在都有足夠時間去洗面換衫。F.1 搬咗上來兩日了，因為回教的齋戒月，要讓出地下向東的倉房比佢地，所以每年都會調動。 出倉好多人呀！呢個係全個散期，好多人㗎，成三

星期五        陰天 21-23

今朝好遲起身，成七點先知醒，連廣播都嘈唔醒，好在起到身。一起身就聽住收音機，好在都有足夠時間去洗面換衫。F.1 搬咗上來兩日了，因為回教的齋戒月，要讓出地下向東的倉房比佢地，所以每年都會調動。

出倉好多人呀！呢個係全個散期，好多人㗎，成三十幾人(流倉有十五人)。今日有廿幾個ON過界來到，食完早飯，做完工作，就要搬上三樓，暫借間房比佢地用，所以我們要去先清潔倉房。工作完成後，一直睇電視及睇報紙，喺三樓食埋Lunch，到出球場先落返地下攞衫，出到球場都係行下就算。原來今日晚餐食晏(食早係16:30 食晏係17:30_)，有保安搵招我去保安房傾計，我又撞板? 唉！黃色除咗有特快列車外，也有別人不同的招待！！石壁保安出名喜歡玩人，尢其係我地無社團背景….! 晚飯時間叫你去保安室，目的係想你無飯食，好在大家對我好好，留左比我食。