日記~10/4/2021 ~ ”有屎啊” (Patreon)

星期六               陰天 又到星期六啦！唔知明天妹妹來唔來探訪呢？我又瞓到七點先起身，好在都有充足時間洗面換衫。出倉好多人，因為回教齋戒月，所以要為他們朝聖而調倉。因為住四樓，出倉排隊檢查落樓去地下飯堂，途中大家一定會傾計，突然有囚友大叫”有屎啊”… 有家斬小心翼

星期六               陰天

又到星期六啦！唔知明天妹妹來唔來探訪呢？我又瞓到七點先起身，好在都有充足時間洗面換衫。出倉好多人，因為回教齋戒月，所以要為他們朝聖而調倉。因為住四樓，出倉排隊檢查落樓去地下飯堂，途中大家一定會傾計，突然有囚友大叫”有屎啊”… 有家斬小心翼翼咁落樓梯，友人就對住我講:你又要執屎(因為有野猫四圍走，我地做清潔就耍做，尤其我無單位)。

食完早飯，新人落山了，做完工作回來，除了兩個新人外，再加一個赤柱過界過來，共三個人一齊來到G. D. (General Duty 即係清潔) 一下子三個新人，即係我連升三級，唔知有咩動作，有預感（不祥）希望錯啦！

全日都喺到玩結他、抄歌譜。原來我訓教個倉15門號旁16號曾經有鬼怪傳說，哈哈，我感受唔到囉！！有怪莫怪呀！J最近因為我寫信比陳志全嘅問題，保安見咗我好幾次。冇法啦，敏感人物加佢係赤柱監獄，我明白呀！大家互相遷就啦！