日記~11/4/2021 ~ 帶結他出球場 (Patreon)

星期日               明              24°C 星期日，休息日，昨晚三點醒咗，一路聽住收音機，一邊半夢半醒，直到六點四十五分才起身。知道今日唔使工作，準備好全日玩結他，有一段時間練習啦！ 食完早飯就一直玩結他，直到’阿希’(一位手足) 同 ‘瘋峯’(

星期日               明              24°C

星期日，休息日，昨晚三點醒咗，一路聽住收音機，一邊半夢半醒，直到六點四十五分才起身。知道今日唔使工作，準備好全日玩結他，有一段時間練習啦！

食完早飯就一直玩結他，直到’阿希’(一位手足) 同 ‘瘋峯’(一位來自大陸放火燒自己屋企嘅傻佬) 來到(因為佢地兩人都同樣做飯堂)，我就比’瘋峯’一直問我結他問題，問到我好撚煩。食完Lunch去球場都帶埋結他去，初時怕比人話，原來係可以帶結他去球場玩，戶外都好好聲。今日妹妹同朋友小明來探訪，有點意外，原來朋友話係復活節來咗石壁，係條水塘堤壩上播歌，哈哈，點會聽到呀！傻！

入咗來石壁咁耐，肚仔一直都唔係好舒服，但又未去到肚痾，都係應該啲食材唔新鮮，另到腸胃敏感！

囚友”安爺”嘅嘢幫咗啦(要求結他譜)！盡力叩朋友幫手啦，又無犯規。睇來，來緊星期二應該去覆診，見到冇咩藥啦！有咗貓仔部(收音機)係好好多！！時間好似過得快咗，尚有5個半月就出冊了！