日記~12/4/2021 ~ 性罪犯的遭遇 (Patreon)

星期一               晴              28°C 成晚醒，又聽下貓仔(收音機)，最後五點起咗身啦！雖然我記得囚友安爺嘅事(做庄收外圍)NBA及馬仔)，但當然唔出聲啦！起身執下嘢，睇小小報紙就出倉了。今日同三位新人一齊做嘢，但一食完早飯，新來囚友光頭仔已經

星期一               晴              28°C成晚醒，又聽下貓仔(收音機)，最後五點起咗身啦！雖然我記得囚友安爺嘅事(做庄收外圍)NBA及馬仔)，但當然唔出聲啦！起身執下嘢，睇小小報紙就出倉了。今日同三位新人一齊做嘢，但一食完早飯，新來囚友光頭仔已經被叫咗去指模房轉期數了，只剩兩位新人，一位都唔夠30日就出冊，總括來講只有一位係由赤柱過界來。工作如常，睇下電視，寫下信，都無乜特別。明天得返兩個打叮(包尾)。下午照常開工啦！抄下結他譜。今日無信收，希望明天有大量信件收啦！收信係坐監的精神食糧。唔知是否因為代溝，定我唔想主動傾計，同新人都好少嘢講，佢地都係廿幾歲，又或者唔係手足，佢地都係犯毒入獄。晚飯後喺房唱歌玩結他，始終眼睛睇得唔太好，明天可以整理歌譜。囚友子健返咗來，晚上喺我隔籬房，喺到九噏，真係一個傻瓜，本身已經癲癲竄喪喪，有一日去冲涼途中，突然攞條JJ出來攪人地屁屁，雖然大家都知道係到玩，但都係傻仔一名，冇得救。不過囚友子健最討厭性罪犯，當一齊冲涼個陣子健一定會疴尿落佢地個身，因為佢癲又惡，所以大家都唔會出聲。一次直接要人跪低張開個口，直接疴落個口到，因為係強姦犯，唔做會被成班一齊打，對強姦犯阿Sir 唔會理。有時好矛盾，都唔知同情佢地，定低佢地死。