中華民國國慶日（荔枝角懲教所） (Patreon)

今日2024年10月10日，中華民國國慶日，一早7:30起身，準備好就去荔枝角跟張錦雄會合，食個早餐先。約10:30到達荔枝角，填表排隊準備探一位手足，剛轉左身份（判滿又即轉還柙）嘅手足！還柙點都舒服過坐正，每日有15分鐘探訪時間。見到手足黑實左瘦左，身為過來人，當然明白，係獄中根本食唔飽，訓唔暖。一開聲就問明日有無人去探佢？呢啲嘢係自發性，加上明日係重陽節，好多人都要去拜山，應該冇人會拜你山啦！在囚就係咁，走來走去，又過界又轉期數，想有相熟嘅朋友真係好難！手足希望我地做嘅嘢已交待好，而我也交待今日入左啲乜嘢物資比佢。講bye bye 前，都講，下次都要11月才有時間探佢，但係下次係荔枝角還是去赤柱？真係一個未知之素，只好說聲，要保重身體健康。