日記~28/4/2021   懲教新仔九唔搭八 (Patreon)

星期三               陰/間中有雨 雖然昨日冇過界紙，但心知今日一定會過界，早上6點正就morning call食早飯，牛肉，浪費了！(因為我唔食牛，如果係石壁可以賣比人收兩非煙，而家係荔枝角只好送比個度個B仔食)！執好行李，喺醫院留尿，等踢竇(搜查)，可能係新阿S

星期三               陰/間中有雨

雖然昨日冇過界紙，但心知今日一定會過界，早上6點正就morning call食早飯，牛肉，浪費了！(因為我唔食牛，如果係石壁可以賣比人收兩非煙，而家係荔枝角只好送比個度個B仔食)！執好行李，喺醫院留尿，等踢竇(搜查)，可能係新阿Sir，開頭有點語氣重問點解帶兩件衫，我話由石壁帶出來換，啲衫唔係懲教比我？我指住心口名牌話每件衫都有名，其他囚友唔可以著，所以係屬於只有我可以著，衫褲底衫底褲都一樣。問我咩事入來，我話雷射筆（攻擊性武器），呵！語氣溫和咗好多，Thanks！（有冇煙/我唔食煙/唔食煙好）

返到石壁，當然又另一次踢竇，今次又係一位新保安，未見過，係咁話我膠袋不合法，我好奇問，懲教派比我哋用嘅嘢都唔合法？荔枝角唔同石壁，同包頭袋。我個包頭袋爛咗啦！包頭袋唔係派比我地，要自己比錢買，而且有好多人唔買包頭袋，個個都係用玻璃袋。祥哥出聲了，問我是否已買新，我話落咗監頭簿啦。我都唔想用膠袋，祥哥打完場要比面。點解近排啲保安思維咁奇怪（舜哥都係，現在荔枝角）石壁有好多職員去咗荔枝角，所以石壁也有新人加入掛！！

在醫院等到五點幾，返到期數好開心！！返到自己房有歸屬感。夜藥見到XX鋒，又學人要單人房，搞笑，唔識唔好引人笑啦！！