日記~5/5/2021 ~ 即日過界去小欖的過程 (Patreon)

星期三 晴天 昨晚訓唔到，早飯無謂口 (腦海浮現：不如叫人比粒安樂死嘅藥我啦！）早飯後，約九點左右，心理醫生招見我，大家傾左好耐，可能自己係一個藝術家脾氣的人，自專心強，為人性格倔強，情緒又較為激動。我同心理醫生反映，“保安做得太明顯啦，有心針對我，我住17號倉，明明18號倉借左

星期三 晴天

昨晚訓唔到，早飯無謂口 (腦海浮現：不如叫人比粒安樂死嘅藥我啦！）早飯後，約九點左右，心理醫生招見我，大家傾左好耐，可能自己係一個藝術家脾氣的人，自專心強，為人性格倔強，情緒又較為激動。我同心理醫生反映，“保安做得太明顯啦，有心針對我，我住17號倉，明明18號倉借左我本書，仲要放係枱面最明顯嘅地方，為什麼搜唔到？行個圈做吓樣就出來，乜都無。而我個倉就歇斯底里咁搜，啲衫遂件揚，一本人地出册留低嘅英文書，我自己都忘記了，還有廿幾飛散煙，我自己有錯願意接受水記五日，但為什麼今次個個都可以返回自己期數，只有我一人要轉期數？我唔服，我雙眼有眼科醫生証明，已經有50％傷殘，我只有五成視力，仲要我去切書。囚友要求我介紹筆友，又唔係我嘅錯，就算轉期數，其他囚友都會問我，要求我介紹筆友啦，如果係呢個藉口，根本解決唔到問題”。

同心理醫生講完之後，醫生諗左一陣，就問我不如去小欖精神病康復中心走一轉，接受觀察好嗎？因為我講明自己係2009年，在西區精神科曾經接受治療，証實自己患有雙向性抑鬱症。我說好的，我接受這個安排，離開石壁都係一件好事，心想，自己住元朗，家人來探訪都比較容易。即日回去食完午餐，返倉收拾所有東西，即日去小欖，希望唔會再返石壁啦。

係過界時，保安阿頭花膠偉看見我有本日記，於是收起我本日記，話等我返回石壁才比返我，真係無恥。我所有東西總共有四個大垃圾袋再加一個結他，原來自己不知不覺有咁多嘢！去到小欖當然又要搜身啦，第一晚入醫院隔離指定動作，心情平服了很多了。係醫院，跟水記一樣，只有一個人訓，但小欖醫院係有冷氣並有軟墊大床，不過好多嘢唔比攞入房，例如原子筆/牙刷等，怕你自殺。冷氣好凍，無得自己調較！晚間，其他囚友大叫，小欖即係小欖，真係好多精神有問題嘅人係到！

PS: 因為2019年經常被噴胡椒噴霧入眼，又洗得多，最後眼角膜穿了一個4mm嘅窿，另一隻都有3mm 及有幾個1mm小孔…..所以在囚期間經常要去覆疹，直到放學，即2022年眼睛傷口才癒合，但角膜有不平的疤痕，睇嘢有多層影像，現有田四佰幾度疤痕性散光。直到2023年疤痕完全穩定，只好配轉載硬性隱形眼睛，去壓平疤痕，視力總比算回復有七成。