日記~2021年5月6日 ~ 怕我自殺、想留係小欖 (Patreon)

星期四 睛 繼續在小欖醫院隔離，一早起身，等職員帶我去冲涼洗面，牙刷都不能跟身，要放在一個儲物櫃（無門無鎖）。可能自己是第一次去小欖，每一步職員都睇到實，睇住你一個人擦牙，睇住你一個人冲涼，完成後就帶你去儲物櫃放低皂液、毛巾、牙擦第物品。在我要求下，比我帶收音機入房聽。 （毛

星期四 睛

繼續在小欖醫院隔離，一早起身，等職員帶我去冲涼洗面，牙刷都不能跟身，要放在一個儲物櫃（無門無鎖）。可能自己是第一次去小欖，每一步職員都睇到實，睇住你一個人擦牙，睇住你一個人冲涼，完成後就帶你去儲物櫃放低皂液、毛巾、牙擦第物品。在我要求下，比我帶收音機入房聽。

（毛巾、牙擦、耳筒條線第都係自殺工具，職員怕你會自殺(包括撞牆、用濕毛巾令自已窒息等等）

水飯房都有旁邊囚友可以傾吓，而家真係得一個人全日都要係房，只可以睇書睇報紙寫日記。間中咁樣都幾舒服，但如果長期與人隔絕，真係會有抑鬱症。早飯都係由囚友送入房間，過來小欖過吓冷河都唔錯，食飯都開胃左，心情好轉，唔想返石壁。

見了小欖福利官，通知了家人現正在小欖，小欖的確比石壁殘舊，但冲涼水質比石壁好，冲完唔會身痕。等見精神科醫生時，要求留低希望可以爭取到啦！原來職員告知，明日可以去活動室同其他人一齊，可以睇電視捉吓棋，夜晚就會返獨人房訓。而家係冷氣房好正，唔知會唔會調去其他房？