日記~2021年5月7日 ~ 石壁 vs 小欖 (Patreon)

星期五 睛 在小欖第三日了，洗面沖涼，係小欖醫院內洗面沖涼係一個輪一個，獨立處理，可能怕有情緒問題啲囚友會打人。換了衣服食過早飯後，大約早上十點左右，職員就帶我去活動室，終於可以見吓其他人，明天是星期六，可以去攞結他玩(係石壁結他係自己保管，而小欖係鎖住個結他，假日才可以去攞來

星期五 睛

在小欖第三日了，洗面沖涼，係小欖醫院內洗面沖涼係一個輪一個，獨立處理，可能怕有情緒問題啲囚友會打人。換了衣服食過早飯後，大約早上十點左右，職員就帶我去活動室，終於可以見吓其他人，明天是星期六，可以去攞結他玩(係石壁結他係自己保管，而小欖係鎖住個結他，假日才可以去攞來玩，玩完又要鎖返)。

而家又要面對一群陌生人，總好過係石壁比人玩。一群新囚友，雖然大部份都係精神有問題或情緒問題，但佢地都係好真性情，比起一群虛偽的人好，扮晒去幫你，其實笑裡藏刀。大家都好熱情，有精神病個種，邊度有水邊度有茶，你可以坐邊度… 回想當日初到石壁係完全無人理你，只想利用你幫佢做乜做物，有一種好強烈的對比，好在石壁流倉都有好囚友。

今日福利官問左我好多嘢，我就照直講係石壁比人玩，所以福利官都話幫我安排留係小欖出冊，家人係元朗，來小欖探我會近好多，不過都要見埋精神科醫生先可以決定到可否留底。而小欖係食物方面，係比較好啲，而且係熱。終於到派藥，唔使好似石壁咁要去醫院食，每次吞完藥都要張開口檢查你有無吞藥，包括脷底。每個監獄都有小許不同的地方，各有好壞。

晚飯後，突然有囚友問我認唔認得佢? (暗示某個囚友) 我望見他的名牌”劉璋輝”… 我唔識，已經夠鍾返房了。

，