日記~2021年5月8日 ~ 落山(轉期數) (Patreon)

星期六 睛 由2020年12月1日至2021年4月5日的日記被石堅強保安KEEP住，用作交換我返去石壁的條件，只要我返去就會比返我，肯定有什麼鬼計等我返去一定比佢地玩殘，更加另我唔想要返去。 訓醫院6:30AM 起身，相信每個監獄都係一樣咁早morning call…身在小欖感

星期六 睛

由2020年12月1日至2021年4月5日的日記被石堅強保安KEEP住，用作交換我返去石壁的條件，只要我返去就會比返我，肯定有什麼鬼計等我返去一定比佢地玩殘，更加另我唔想要返去。

訓醫院6:30AM 起身，相信每個監獄都係一樣咁早morning call…身在小欖感覺好安全，呢度啲流程比石壁好。係小欖見到石壁cap A 殺人犯”火星”及另一位唔識的囚友，因為去到邊都比人打，所以要長期留係小欖保護組，直到出冊。食完早飯約十點，出倉(可以離開尸醫院) 轉去General 期數，沖涼房就係期數入面，可以隨時沖涼或沖幾多次都可以，太好了。小欖在食物方面都比其他好味，如果真的可以留低都唔錯，不過無工作無糧喎!

明天是母親節，唔知家人會否來探我? 食完lunch 寫了幾封殺信，一封比家人，一封比石壁囚友，一封比筆友，初時唔了解小欖工作時序，但來了幾日都了解左，開始適應。食完晚飯返倉，今晚去了另一邊，一個同石壁間隔的倉房，不過接收上有小小問題，我指收音機，原來每個監獄倉房都大同小異。