日記~10/05/2021 ~ 小欖的生活 (Patreon)

星期一 睛 昨晚係醫院訓，冷氣太大，又無得自行調較，應該有小小冷襯！6：30am 起身，收捨好要用東西（例如皂液及洗頭水，底褲等），等職員帶我去期數活動室，好準時，去到期數才洗面擦牙，小欖期數生活十分單調，又無工作，但起碼有安全感，唔使驚會比職員玩，石壁就好像有人迫害你咁樣。

星期一 睛

昨晚係醫院訓，冷氣太大，又無得自行調較，應該有小小冷襯！6：30am 起身，收捨好要用東西（例如皂液及洗頭水，底褲等），等職員帶我去期數活動室，好準時，去到期數才洗面擦牙，小欖期數生活十分單調，又無工作，但起碼有安全感，唔使驚會比職員玩，石壁就好像有人迫害你咁樣。

係期數食完早飯，睇嚇電視，寫嚇信同日記，整理嚇歌譜。每日都是如此，食完就做自己嘢，又可以選擇自己沖涼時間，沖幾多次都無人理你，同囚友捉嚇棋。我現在只係等見精神科醫生，希望可以向醫生提出留係小欖，不過無工作就無糧買零食！！

今日叫我去留小便，我剛剛到，無理由咁快又要過界？有點擔心...今日寫左好多信，通知所有朋友及筆友，我現在身在小欖。因為無郵票，只好寄回家中，叫妹妹再幫我轉寄比其他人啦！今日有個囚友發神經，嘈左兩句，佢地精神有問題，好麻煩，職員反而來安慰我！

晚飯後又上去醫院訓，咁又一日，希望可以快啲見到醫生，決定去定留。