幾忙都要再到赤柱 (Patreon)

首先說聲對不起，有兩編日記應該要出，但近農曆新年，大家都好忙，會盡快出返兩編日記。雖然忙，但點都要抽時間去探手足，2025年1月16日，約了張錦再到赤柱探手足。小弟住元朗，探還押手足要在早上，所以要七點就起身，十點在赤柱登記，十二點左右就探完，食埋飯返到元朗已經三點。探手足前都要抽時間去聯絡家屬，須要去買物資。上次探佢時，要求我幫你去IG download 啲相，再晒相寄比佢，怎知我12月19日連聖誕咭一齊寄入去，但到今日他依然未收到！懲教就係咁，成日唔見晒人地啲嘢！自已係過來人，明白朋友探訪的重要性，在牆內有人探訪完全係心靈上的一種支持及鼓勵，希望在囚手足在心理上能平衡一吓！第二樣就係寫信，在囚時每次收到信的心情，好難可以形容到，就好似當你好口渴時，面前有一罐汽水係到咁。