日記~11/05/2021 ~邊度(石壁)跌低，邊度企返起身? (Patreon)

星期二 晴 一早起身送左碟飯入來，心知今日應該要過界返石壁了… 我要求職員要即刻見心理組，因為唔想返石壁，飯都無胃口食，等左一陣，職員同我講必須要返石壁，心理組未有人返工。我再同職員講一次，我係石壁被人玩，所以石壁心理組才叫我來小欖，而家又要返去石壁咪仲衰過之前，我嘈左好耐，結果

星期二 晴

一早起身送左碟飯入來，心知今日應該要過界返石壁了… 我要求職員要即刻見心理組，因為唔想返石壁，飯都無胃口食，等左一陣，職員同我講必須要返石壁，心理組未有人返工。我再同職員講一次，我係石壁被人玩，所以石壁心理組才叫我來小欖，而家又要返去石壁咪仲衰過之前，我嘈左好耐，結果有位文邦板同我傾，佢都講得有道理，係邊度跌低就要去邊度企返起身，有問題必定要返去解決。

好無奈但只有面對，心想(係監獄懲教大晒啦，邊有得解決，只有繼續比人玩)… 雖然個心係舒服啲，但始終都有點不安。夠鐘上車了，同車有性罪犯搞妹妹的阿杰(都係由石壁來)，仲有一位CAP A犯(火星殺人一家四口)同車。返到石壁當然要驗口水及驗尿，我係3U犯不能做運動+眼睛只有50%功能+精神紀錄孭簿，就用呢啲紀錄返回石壁。我地3個人要係石壁醫院訓一晚等報告，火星真係好煩，不停咁叫職員問幾時可以返期數，佢就如願得償，六點幾就出院返期數，我同阿杰就要係醫院過一晚，心想報告已經出左，否則火星都唔走得，一定有其他事所以我地未走得，成晚都訓得麻麻地。

懲教有懲教的程序，十年如一日，不懂改變不懂變通，當日下午一去到醫院時，心理組鮑Sir 就叫左我去見佢，今次有一位劉小姐，一齊傾左一陣，鮑Sir 話劉小姐係未來日子會跟進我的個案。