日記～2021年6月29日～巧遇慢必 (Patreon)

星期二 密雲

昨晚好早就訓，19:30就返倉，無其他人，只有幾十呎嘅房仔，22:00就會熄燈，無嘢可以做，就只好早啲訓。清晨五點就醒左訓唔返！只好聽吓收音機。

早上6:30就起身，慢慢執吓嘢再洗面擦牙！今日呢更講左今日係洗衫，所以執定啲要洗嘅衫，當開閘後就攞埋啲衫返去工場洗。早飯時，收到囚友阿派嘅東西（我妹妹幫我劃非，即係入左一千蚊比阿派個戶口，出有收到後有人通知阿派，佢就會比八包煙我），立即收好個啲煙。

今日有可以去球場玩，可惜職員無攞排球出來，諗住可以玩吓排球搓吓波，只好傾吓計睇吓信，今日見到慢必行去探訪室，因為球場旁邊就係探訪室，所以這是必經之路，當時係上午，赤柱規則，還柙人士係上午探訪，而定罪囚犯就係下午探訪，趁有機會同慢必打個招呼，我地係2005年已經認識！

自己由石壁過來赤柱，先入車衣期，再轉洗衣期，雖然大家住係同一座，但機乎無機會見到面。返到workshop 繼續工作。午餐時開電視睇， 有套新韓劇叫“九尾傳說”好想睇呀！不過係赤柱無係石壁睇得咁舒服，石壁有活動室坐係到睇（午餐時間），而赤柱洗衣期就要企係到睇。好快又到，睌飯、沖涼、返倉，訓教又一日。