香港(寸步難行,舉步為艱)/外地海闊天空 (Patreon)
Published:
2022-07-04 06:57:38
Imported:
2026-06
Content
最近接到一位為曾經幫我做保釋,去差館接我出來而成為朋友嘅律師電話,原來他已經去了英國兩個多月。大家因為係2019認識,幫我打官司成為朋友,都可說是共渡患難。電話互相問候一吓,便談及小弟有冇興趣移民去英國,當然他說英國現在已經有好多香港人,所以唔須要太擔心,最重要係留在香港已經係寸步難行,舉步為艱,什麼都做唔到。相反去到外地,遊行集會可以繼續,做嘅事比留在香港多!
就如64/71起碼可以集會遊行,香港就連轉載外地遊行情況,因為有光時八字,也怕犯了國安法而不敢轉載。好多香港人選擇移民,移民太貴了?負担不起的年青人可以用難民身份過去,加拿大?英國?
如果還年青就不須考慮,一定走,但年紀大,好多顧慮! 移民不是易事! 自己家人,也有過了英國去,朋友也有不小去了英國及加拿大,所以收到不小資訊。這位律師朋友也說到當地的農田很平,過去耕種也可,這對我吸引力太大,六千呎農地賣五萬英磅!
家家有本難諗的經,錢嘅問題,有手有脚又肯做,我唔担心,最大嘅阻力,就係自己睇緊兩個專科,去到個邊真係唔知點,只要解決到這些醫療問題,我也想走。而家每月覆疹一次,另一個每四月覆疹一次!
19所受嘅傷還未完全康復,希望可以盡快解決到。到底移民是好是壞?每個人價值觀都不同,不能用我的呎去量度你的標準。
香港越收越緊,自由越來越窄,人也開始變得越來越怪!
心有餘而力不足