Home Creators Posts Import Register Favorites Logout

Content

昨日正式展開工作,所有嘢都叫做安定咗(我以為)。早飯完後,通常在活動室等開工,因為要老細帶隊,大約九點半開工,十點半完成,之後就自由活動了。在休息時間我同B仔(班長)講我要申請買包頭袋,當時我唔知什麼叫包頭,B仔問我是否在包頭扣,我答係!另外申請買貓仔(收音機)這要家人探訪時支付,大約hk$98。食包妹時,每人應該只得半份面包,點夠飽?但有囚友食兩份。石壁係高設防監獄,原來有部份囚友由Cat A 轉 Cat B 所以係赤柱坐咗五年/六年之後,再過界來到石壁。其中我比較熟有位叫六叔,因為同枱食飯所以比較熟,食飯時都會傾吓計,大部份都係毒犯。六叔最初見到我睇有關植物的書,便跟我談及好多植物。見我睇有關中國占卜的書,又同我談鬼論神。雖然好似幾好但始終防人之心不可無,狐狸始終會露出他的尾巴。下午工作,我都係負責拖地!而我眼見,都係好hea咁做,我就變成了另類了。因為我本身申報係一位不吸煙者,但原來監獄也有洗費,例如要交倉煙比B仔,剪頭髮要兩飛煙等等,而我唔食牛,就把牛賣出去,原來一個牛肉球賣兩飛,牛扒也是。其實監獄啲肉全部白烚,冇味難食。昨日才賣了一隻雞肶,儲起啲煙有用,煙就係錢!昨日平安夜,晚上入倉已經有一份零食禮物,今晚又有一份,內有朱古力、旺旺等。

Files

Comments

Wai Tong Tze

受制於人,只能步步為營😵