Home Creators Posts Import Register Favorites Logout

Content

昨日返到石壁,氣氛有點怪,但未知發生什麼事。今朝天氣寒冷,如常起床,做吓小運動,等派口罩,等職員開門,通常夜晚有double lock,早上也一樣,先有幫辦開一個,再等出倉時職員再開另一個。每朝見吓醫院職員,今日有新藥返左來,話啲藥膏會晏小小登記好就會比我自己keep!咁好,原來

昨日返到石壁,氣氛有點怪,但未知發生什麼事。今朝天氣寒冷,如常起床,做吓小運動,等派口罩,等職員開門,通常夜晚有double lock,早上也一樣,先有幫辦開一個,再等出倉時職員再開另一個。每朝見吓醫院職員,今日有新藥返左來,話啲藥膏會晏小小登記好就會比我自己keep!咁好,原來職員唔想浪費人手,又要揾人帶,又要專人服侍,自己keep 係好好多,我都認為係!每朝由四樓落到地下,我會先去2號活動室,分配比我的locker所在之活動室,當然唔係有鎖嘅locker 啦!(活動室如手繪圖)只係擺放自己物品,方便開工及去飯堂食飯(因為要隨身帶住洗頭水皂液)。食早飯時,可樂叔/阿爵等同我講,我原本負責洗廁所,但我出左去荔枝角,就冇人願意做我個位,於是發生了囚友之間的爭鬥,係我第一次遇到原來監獄真係有鬥爭。B仔係一個油水位,囚友每月五非煙作為倉租,職員每更都有下午茶跌落去,(例如有魚柳包,奶茶)B仔又可以賣出去,所以爭做B仔係各囚友爭鬥之一。今次趁機有人怪B仔安排不當,因我去左Clinic 冇人做嘢,希望自己坐上B仔個位,呢啲位一定係有黑社會背景嘅大佬去爭奪。原來如此,我只係被利用的工具,但我唔喜歡這樣,於是主動同B仔阿軒申請包頭袋及貓仔時,順便說聲支持佢,因為尚有一段好長時間要依靠B仔,倉煙好在早前賣了隻雞肶,所以有煙支付。工作如常,我冇單位,只有乖乖坐在一旁睇電視睇書,其有實力的兩派各有各忙開會傾計。下午工作如常,氣氛唔太好,是否兩班人要打交?心情有點不安,晚飯後,返到倉有囚友叫我估吓結果會點,當然我唔希望有事,大家都習慣了這些事情,但我始終第一次遇到。我支持原有B仔阿軒,因為我地囚室分兩邊(手繪圖),我訓一號房,軒仔走過來傾左幾句,話可能會辛苦我做多小小嘢,我當然冇問題啦!係監獄冇嘢做好悶,多小小嘢做又如何,解決到問題就得,我答應他,友誼就始進了一步,他離開後我寫吓信睇吓書便訓。

Files

Comments

Wai Tong Tze

有人的地方,就有是非鬥爭😖