日記/2021年1月1日~獄中今朝唔知下午事(黃色快線) (Patreon)
Published:
2022-08-20 08:16:14
Edited:
2026-09-02 09:07:17
Imported:
Content
昨晚食左感冒藥,好快訓著,但今朝一早五點左右,又有職員叫醒我,話今日我要過界返石壁,OH!我有件衫漏左係活動室,職員話冇得返去攞,這一次令我深深明白,監獄內風雲變色,昨晚唔知今朝事,深深得到一個教訓。只好無奈地起身,食早飯,去醫院(荔枝角內)驗尿驗口水,及一大堆手續檢查後,十點左
昨晚食左感冒藥,好快訓著,但今朝一早五點左右,又有職員叫醒我,話今日我要過界返石壁,OH!我有件衫漏左係活動室,職員話冇得返去攞,這一次令我深深明白,監獄內風雲變色,昨晚唔知今朝事,深深得到一個教訓。只好無奈地起身,食早飯,去醫院(荔枝角內)驗尿驗口水,及一大堆手續檢查後,十點左右上鎖上囚車返石壁,每次都要帶齊日用品,而我未有包頭袋(見圖),只有用懲教署提供透明膠袋,擺放洗頭水、皂液等等。
返到石壁大約12點,職員話通常星期一先返,點解我咁快返到來?可能我坐黃色專車!(小道消息:黃人盡量唔留係荔枝角咁耐,因為聖誕節唱聖詩嘅事,免得麻煩)。做完手續已經一點,要去醫院等報告,所以午餐也在醫院食(石壁內的醫院,每個監獄都有內部醫院)。
到了下午四點幾,報告終於返,醫院房也同平時嘅倉一樣,但張床就有好大分別!平時係一呎高嘅玻璃纖維床,而醫院係三呎高鐵床而且有軟墊!
到五點多,才有職員帶我去飯堂食飯,大家都覺得我應該星期一先返,咁快返,即使係到五年十年都話第一次見到係咁!所以佢地覺得社會事件入獄,令懲教署亂晒龍!根本我地係唔應該入獄!