Home Creators Posts Import Register Favorites Logout

Content

陰天8°C  今天照常早起,做完拉筋運動,摺好毛毡,如常出倉食飯,如常工作。當工作接近完結時,突然有職員叫我號碼,叫我個名,叫我準備工務探訪,我以為係律師,開開心心去到探訪室才知原來是兩位(警察)義工,我以為咩事,係咪加我控罪? 職員提示我有權唔接受探訪(年青的職員對我們比較很好,年紀大的多數係廢佬,任何地方都有黃藍),考慮左一陣,既然來到就見吓。入到房原來係一男一女自稱係警察嘅義工,專探訪一啲因返修例入獄人仕,了解為什麼對警察咁憎恨,警察與市造成社會撕裂的原液,同佢地吹完一輪水之後,開始進入正題,我一句講晒,殘害生命就不應受到尊重,所有在直播睇晒,著住警察制服講普通話係咩人? 明明制服左,為何要用腳踏住人地個頭? 721又點解釋? 全部支唔以對,只回答係有不足地方,心諗你去死啦! 冇可能啦! 一日仲係警察一世都被追擊! 受過專業訓練,不足就返去訓練到足先出更啦啦隊! 完事後,回到活動室,已經全世界知道我工務探訪係見兩條粉腸,大家都估加控罪,我咪話比大家知事實啦! 好在大家都好憎啲狗,即使唔係黃人都係比佢地拉。今日下午有出操場一小時,有個囚友告知,星火有位華叔(化名)想知我叫什麼名。剛好食飯時擦身而過,佢食頭圍我食尾圍(頭圍16:30,尾圍17:30) 同一飯堂,佢出我入,只好點頭示意。獄中真係好八掛,冇法啦,生活冇左好多嘢,須要搵啲寄托。今晚好凍,出面好大風,隔幾間房有人食薯片聲,好想食! 要等出糧先有錢。半個月出一次,上次買晒嘢,期望下期糧,而家唔寄可以講多啲。其實獄中點解要有班長(B仔)而且B仔永遠都有黑社會背景,咁先可以管返班古惑仔。

Files

Comments

Wai Tong Tze

社會沉淪,苦難充滿😖