歐諾軒是否做二五仔?調倉要合理爭取 (Patreon)
Content
小弟在2020年五5月頭,由石壁過界去到赤柱,四日新生期之後,就安排我去到二廠車衣期,每次過界都要由低做起,即由洗厠所及工資由低AA(約$68一週嘅工資)。幸好,在赤柱遇到一位老朋友,他已經坐了一段時間,本身他有單位(黑社會背景),在二廠車衣也當了最高的Checker,工資係FS(每週$200,係最高)。他跟我說,完左洗厠所之後,安排我上車位,工資高好多,(其實係到一步一步上,例如,洗厠所/掃地/關窗/摺衫/剪線頭...一步一步上到車位)所謂“朝上有人好做官“就係咁解,原來赤柱監獄係一個高消費嘅地方,我可以“劃非“買到好食嘅食物,留意我嘅日記會有講我係赤柱嘅生活狀況。有新人入來,我就可以升上一級,過了兩星期左右,我已經可以脫離這個低級囚務工作,於是我位老朋友向“老闆“及“導師“推薦我堆車位,車的是我們囚犯自己穿著的囚衣,當時係厦天,所以車的是來緊的冬衣,安排我的就是車衣領那部份,分工合作,於是我開始學習如何操作衣車,也有一大批比我用來練習的布料,已經裁剪好的。當時,歐諾軒/朱凱廸/陳志全等都在赤柱還柙,因為他們在“水記“,他們也覺得去大棚落期數係比單獨囚禁好,於是他們開始分配到不同期數,歐諾軒就來到二廠車衣期。其實,當有新人要來期數,職員都會早一日話比B仔知,而B仔也會話比我地知,監獄太無聊,八卦是非解悶乃屬正常。當歐一到,B仔好自然安排我地坐埋同一張枱食飯,介紹一吓大家都係黃人,當然政治理念相同,好自然會互相幫助,傾計也好快熟左,戒心也自然降低左。我埋左車位,當然會有人不服,因為排緊隊比人插隊,但B仔及職員也答應,所以都冇咩風波出現,工資原本一級一級上,但我係跳上去DA(即約有五佰幾一個月,AA得二佰幾)三星期就跳到上去。歐來了三日,我跟他在對話中了解他是一個怕事的人,他對街頭抗爭係唔支持,但身為區議員,被迫上街爭取人氣,這是我有一點反感的不同觀點。他來了第三日,在晚飯時,職員叫我食快啲,食完返房執嘢,即時調去洗衣期,我當然覺得為什麽要調我走?跟職員理論,我走冇問題,但我咁辛苦上到DA 位,要求保持我DA位過去,因為我冇犯事,冇鎖水記而調期數,職員答應合盡力安排,雖然無奈但要接受,職員講及原因就是歐來到車衣,唔想比機會我地黃人聚集,佢地把黃人打到散晒,心想,黃人越來越多人入獄,點可能安排到,一定有兩個/三個甚至多個係同一期數啦。這就是我離開車衣期,由歐諾軒交比B仔,再由B仔轉交比我的犯法行為紙仔。去到洗衣冇耐,就收到消息話歐去了小欖保護組,而監獄內流傳歐係二五仔,所以去了保護組。有一次,我去探訪室見訪客義工及家人,見完之後,囚友們會被鎖在一個囚室等候職員帶回工作坊,就在等候期間,大家都會傾吓傾,雖然萍水相逢,始終共渡患難,所以大家都肯講嘢,因為要報上期數比職員安排,其中一位報上二廠車衣,我就趁機會問吓,歐諾軒嘅事,我問歐而家唔係赤柱,他回答係,去了小欖,我問點解?他說唔清楚,我再講,聽佢地講話佢做二五仔喎,所以去了保護組,他回答,唔怪得啦,一伍調走前一星期,話去荔枝角落口供,可能就係荔枝角改口供做污點証人。原來如此,咁即係全部係事實而非流言,而且我係洗衣嘅老闆對我都幾好,仲話佢會接收黃人入洗衣。我臨放學前一個月左右,朱凱廸來到洗衣,當時有四個黃人包括我在內係洗衣,朱來到,好自然其他黃人要走,我諗我可能都調,幸好老闆照加埋我仲有兩星期放監,所以就同朱凱廸做了幾個星期囚友,跟朱講起歐做二五仔嘅事,佢只回答,唔出奇,每個人都會為了自身利益行先!當然認同,不過小欖又係坐,赤柱又係坐,當然佢地交易條件只有佢地先知,日後發展弑目以待。 監房術語:https://drive.google.com/file/d/1lTomMHq65ZKK4aw3B-XPj7UlHlFtZU2m/view?usp=drivesdk 在囚薪酬表(每週)A Assistant 約$68A Skill 約$73B A B S C A C SD A 約$148D SE AE SF AF S $200 (最高)