日記~16/1/2021 / 坐監可以有十幾萬收入? (Patreon)

星期六 晴天 19°C星期六有MBA及足球賽事，囚友們當然睇波，跟住就問我邊隊會贏? 我唔賭錢。因為係監獄入面，其實有人做外圍壯家，有時職員也會同佢地落注。這當然係不可能容忍的事，所以大家都好小心處理啲數簿。(當然唔可以寫信出去連日記只可以寫得隱隱約約) 。監獄始終係黑社會聚集的

星期六 晴天 19°C星期六有MBA及足球賽事，囚友們當然睇波，跟住就問我邊隊會贏? 我唔賭錢。因為係監獄入面，其實有人做外圍壯家，有時職員也會同佢地落注。這當然係不可能容忍的事，所以大家都好小心處理啲數簿。(當然唔可以寫信出去連日記只可以寫得隱隱約約) 。監獄始終係黑社會聚集的地方，有好多人都係口頭落注，再係探監時由家人過數，但有人用餅同煙/朱古力或檸檬茶等去落注。係監獄做外圍只係賺錢的其中一種方法，MBA藍球，足球及馬都接受。我無理就照常工作掃吓地同洗廁所，之後係圖書館借的書收到了，兩本潘紹聰，一本奇案。今日妹妹，V小姐同健威探訪，感謝大家支持，開心就係妹妹肯聽我講入書比我啦! 等左好耐的英文書終於到了。健威同V小姐見到我都話我精神左，好似大家冇嘢講咁，但眼神上已經感受到佢地的支持鼓勵，好溫暖!沖完涼食完晚飯，有小許時間跟那位新來風化案的囚友傾左兩句。我都係冇咩人嘅時間先同佢傾(囚友去曬打棋)原來風化案又冇單位嘅人入到來會比較慘，好多人都討厭強姦犯。出糧後，任由佢地(B仔同其他囚友)買零食同買煙。原來自己是一個幸運兒，因社會運動政治入獄，有區議員可以投訴，佢地變得唔敢對我做呢啲嘢。吃得咸魚低得渴，個風化案囚友都好明白。因為在荔枝角橫押(拋)左21日，所以有好多荔枝角師兄已經話左佢知，做好準備心理上冇咁難受。自己也是白手(新人)來左石壁只不過個半月，都唔敢亂咁教訓人，只係提點防人之心不可冇，小說話多做事。之前有位在家縱火囚友，在廚房工作，他對我特別親切，每次見到面都打招呼閒聊幾句。獄中雖然龍蛇混集，但也可以選擇合拍的囚友做朋友!