日本侵略香港的打靶場 (Patreon)

不如講吓一段傳聞，係六，七十年代，元朗最猛嘅地方，應該係坳頭（博愛醫院對面），舊政府宿舍，現在已變成“朗善邨“。當時達德都仲未謊廢，依然運作中。點解坳頭係最猛？傳聞坳頭係一個打靶場（近呢二，三年已成為停車場），係日本佔領香港期間，有好多地方都係亂葬崗，但坳頭就有一個打靶場，（附上現今及歷史圖片及有繪地圖），我細個時係住係附近，有年長嘅村民話我知呢個故事，因為係佢地親身經歷，可惜呢啲老人家都入晒土為安。睇返地形也真係可以令人相信這是一個打靶場，付合所有打靶場嘅條件，無理由會把一個山頭做成咁樣。再加上就係打靶場個路口，有一座兩層高嘅𑋾墅，叫“麗森苑“，四圍有鐵絲網圍住兩層高大宅，因為入面有棵枇杷果樹，我就會爬入去摘果實食，𑋾墅一直荒廢左好多年，村民曾經話我知，座𑋾墅比日軍侵佔做大本營，即係捉左啲抗日義士就送去𑋾墅受刑，跟住就送去打靶場打靶。我住係附近嘅時候，個度係有一啲五層高嘅政府宿舍，有消防／警察／教師等係到住，當時都有好多靈異傳聞，我太細個，都唔記得咁多，上次提過睇到鬼火（三個並排，仲要有一米直徑咁大），咪就係呢度，如果真係有好多屍體埋係到，用科學角度，有鬼火即係屍體散發出磷，在空氣中擦出鬼火。 最大嘅靈異點，就係當𑋾墅比發展商收購後，發展成今日“麗豪軒“，當年，任何人搬入去都一定有事發生，例如有人在夢中被抬出戶外，家中傢俬移來移去，甚至有物件凌空飛起，家中物品比人搬出戶外等等，所以係冇人夠胆入住，差不多每年打一次齋，都打足十幾年，先開始可以住到人，所以係七十年代，坳頭“麗豪軒“應該係元朗最猛嘅地方。 因為太早期，都未有電腦，也冇internet 所以我而家相查証都很難，不過係由一位親身經歷嘅老人家講比我知，加上地形又吻合，都有一定的可信性。