日記~18/1/2021 - 愛莫能助 (Patreon)

星期一 晴 11°C昨晚係入獄後第一次訓得咁多，早上錯過了6:30及6:45的廣播，到7:00試警鐘才醒，好在即刻起身摺毡/洗面/換衫等，剛好趕到7:30出倉。其實昨晚開頭平靜，半夜刮風，呢度好奇怪，風聲大，眼見樹並不是搖晃得好勁，奇!經過星期日，大家玩完，一袋二袋的垃圾要清理

星期一  晴 11°C

昨晚係入獄後第一次訓得咁多，早上錯過了6:30及6:45的廣播，到7:00試警鐘才醒，好在即刻起身摺毡/洗面/換衫等，剛好趕到7:30出倉。其實昨晚開頭平靜，半夜刮風，呢度好奇怪，風聲大，眼見樹並不是搖晃得好勁，奇!

經過星期日，大家玩完，一袋二袋的垃圾要清理，我們是隔住一星期在飯堂活動而下星期就係活動室玩，剛好昨天在活動室所以工作比較多。如果在飯堂，情況比較好，冇咁亂，因為同另一班調動，他們比較有修養及文靜，我個班包括廚房/送貨/體育組/指模房/清潔，大部份廿多歲坐左十幾年啲犯人。

收到英文書，開心，因為時間得到充實，唔使成日望住電視，仲要係CCTVB。沖涼時，有囚友講起買橙，佢話佢停留在十元七個大大個橙，我話而家廿蚊四個都係中中地，心諗，佢一定入左來好多年啦! 真係同社會脫節，出返去點算?

原來黃人入到來，已經有不俗的對待，因為黑社會/懲教職員都怕我們向區議員投訴，所以唔敢做啲過份嘢，意思係囚友的對待。風化案入到來會被孤立，會比人扣糧，扣肉，甚至被人係水房打。我親眼見風化案係咁(有風化案囚友也親口話我知的)。你自己的人生，我愛莫能助，早知今日，何必當初。

不知不覺原來係石壁一個月，12月18到，今天剛好一個月，尚欠9個月就可以放學了!