日記~20/1/2021/好心有好報 (Patreon)

星期三 17°C 陰/晴今朝一早職員通知，今天12點出荔枝角去覆診(明愛眼科)心想應該星期五瑪嘉烈星期一眼科比較好，怎知只得眼科。上午如常工作，我之後等到12:30食午餐(粥及面包)時間就通知我準備，我只食一份三文治(牛油)我囚友就比多半塊我，因為我唔食粥，我怕一陣食到一半

星期三    17°C 陰/晴今朝一早職員通知，今天12點出荔枝角去覆診(明愛眼科)心想應該星期五瑪嘉烈星期一眼科比較好，怎知只得眼科。上午如常工作，我之後等到12:30食午餐(粥及面包)時間就通知我準備，我只食一份三文治(牛油)我囚友就比多半塊我，因為我唔食粥，我怕一陣食到一半就要走，點知真係，剛食完面包就走，去到指模房好在仲有時間比我食粥。點知一直等到三點十五分才上到囚車(係車上個鐘顯示)。去到荔枝角又做一堆文件見官搜身，真係唔知幾點先可以去水房沖涼，一班陌生的囚友說「荔枝角最正就係沖涼」我也有同感，水力夠水溫適中。在囚車上職員話荔枝角如果重建就會用赤柱做還押中心，其實之前有人話用東頭!沖完涼就立即見到之前係荔枝角幫佢寫過信的大陸囚友，大家好難得再能重逢，可惜時間很短，他送了一包餅給我，好感動，原來朋友唔使去諗回報，上天係好清楚好心好報呢個道理(因為他們過期居留來到荔枝角，無親朋探即無物，我去石壁時分了部份物資給他們)之後去到Single Cell，又見到另一個之前係荔枝角囚友，可以一日見兩個，開心，可惜只得兩句，「係石壁點呀!」「我答好好」咁，就要入倉，真係想傾多幾句都唔可以。又去到黑漆漆，又濕又有曱甴嘅荔枝角，感覺好討厭，如果可以的話，我都想學其他囚友一樣，唔去覆疹! 如果可以石壁出，覆疹完返石壁就另當別論。如果荔枝角重建，每個監獄都應該有自己的囚車去接送犯人的!