夢中見到土地公公婆婆 (Patreon)

早前提過“與鬼同眠”後，師傳清身及配戴了玉觀音。當師傅用水晶，割開我身體(當時真係感受到被人係背脊割開左，唔痛但有涼風吹入身體的感覺）師傅清完(寫左啲符入身體)，再用水晶幫縫合，感覺就温暖了很多！清完就戴上一粒已開光的玉觀音，因命革不能戴綠色，所以是一粒『紫玉觀音』，當時大約是中午時份，完事我們一齊食午餐。 

一直都沒有什麼特別，但到晚上訓教時，深夜時份在半夢半醒之間，突然感到好有壓迫感，感覺就好像潛左入十幾米水深咁，呼吸都變得很用力而且動作也好像在水底咁緩慢。跟著感到屋外有幾千個黑影望入屋咁，心情有點緊張，因為從未試過有咁多靈體同時出現。 最奇怪的事發生了，感覺到由張被流出黑色物體，又像液體又像黑影咁，再者，好像電影咁有一位公公一位婆婆由黑影中慢慢升上來，我既好奇又恐懼，個成個氣氛好恐怖，好似我去了一個異世界，四週空氣壓力好大壓住自己，令呼吸也要用力而動作也是緩慢。這公公同婆婆，都是有斗篷蓋住個頭，睇唔到樣，只係黑影一般，感覺到佢地係公公婆婆，而且係冇惡意，望住佢地由下面慢慢升上來，之後公公開聲，「我知道你今日戴左粒玉，可否比我睇吓？」 我豪無考慮，就好似在水底動作緩慢一樣，將我心口粒玉攞比公公睇！公公睇完就比返我，並說「你要好好地戴住粒玉」，婆婆一直都冇出過聲，公公佢地，邊講邊下沉，直至完全沉晒後，那黑色又似水又似影就向張被回流入去，之後出面個幾千黑影也散，空氣也開始回復正常，我就彈醒了，隻手係揸住心口粒玉，平服後再訓。  

早上，便把這件事話比師傅知，師傳話因為安左六個神位，有觀音／地主／祖先／天官／灶君／土地，又擺左結界，所以有惡意嘅不能入屋，而冇惡意嘅靈體，依然可以入屋。不過，作者見到嘅應該係土地公公同婆婆，而外邊嘅靈體，係因為粒玉開左光，八卦來睇嘢！原來係咁！

作者由幾歲到五十幾歲，當然唔會係日日見到靈異嘢，當時運低個陣先會遇到，但當行緊運個陣就見唔到，有試過十幾年冇見過佢地，反而住係墳場旁邊，更加揾到好多錢，師傅話係會咁!