日記~21/1/2021/有蚤又有曱甴加三隻雞翼 (Patreon)

星期四 晴昨晚係荔枝角又有蚤又有曱甴加上車聲，𣉿到冇得瞓！又要喺倉食早飯，之後去咗期數（水路7R）一群來自喜靈洲戒毒所的人，一入去就有位伯伯問我攞煙，可惜我唔食煙（加上唔會帶出來）。中途有位來自印的毒友同職員雞同鴨講，B仔又唔識，職員見我示意我幫忙，原來他想知自己的探訪物資幾時

星期四 晴

昨晚係荔枝角又有蚤又有曱甴加上車聲，𣉿到冇得瞓！又要喺倉食早飯，之後去咗期數（水路7R）一群來自喜靈洲戒毒所的人，一入去就有位伯伯問我攞煙，可惜我唔食煙（加上唔會帶出來）。中途有位來自印的毒友同職員雞同鴨講，B仔又唔識，職員見我示意我幫忙，原來他想知自己的探訪物資幾時來，職員話今日下午會到，好在都OK應付到！

食完粥及麵包冇耐就帶我出去覆診，大約一點出發，先去指模房做一堆手續，換衫上鎖，上囚車，到明愛醫院我冇理其他人目光，但職員同我都有傾一兩句，職員問下石壁現時情況，他們都知很嚴（近排經常睇CCTV機鎖咗四、五個囚友水飯房）原來囚犯睇醫生係有特快線，見到相熟醫生，醫生反間點解唔來覆診，責怪職員，好笑係職員根本唔知，只係負責帶我去睇醫生而並非安排職員，我有同醫生解釋。一點半到醫院，三點半已經返到荔枝角，但on9係比咗貨車入去落貨先，囚車要在外足足等咗45分鐘，入到指模房又一大堆手續／交藥等。

在指模房發生兩件精神科問題囚友事件，首先有人去廁所，有職員跟佢嘈交，又搞咗好半粒鐘，冇耐又有另一位話食完精神科藥頭暈冇力標冷汗（之前嗰位都精神科病人）又搞一餐入荔枝角內部醫院！最後去到八點半，最後都有食飯，但有意外驚喜，剩下啲飯餸任攞，我攞一份常餐加一碟咖喱（因為由南亞人煮比較好味）有囚友攞咗四隻雞翼（每人一隻），我都唔執輸攞三隻雞翼返倉食。