唔知自己死左？ (Patreon)

作者係一日（2022年12月28日）內收到兩個朋友的死訊。一個係識左十幾年朋友，另一個係住係隔離，識左幾十年嘅王先生。在12月27日旁晚，自己在天台淋花時，見到王先生返工，因為他做夜更保安，年紀約六十多歲，身體非常健康，作者同佢傾左兩句，就講句 bye bye。當28日傍晚六點多放工返到屋企，原來妹妹都已經在家，第一句說話「王生走左」，當時都感覺好突然，昨晚先講句bye bye，點知係永別。

妹妹話剛剛車左王太去醫院，原來王生係返工期間心臟病發。靈異部份，就發生係12月29日，都係旁晚六點左右，平時王生返工時間，這是作者放工回家時間，由於大家住在山上面，所以有一條斜路，就係一個Y字路口上，作者見到王生同平時返工衣著一樣，載住一副黑超，黑色口罩，黑色大褸，牛仔褲，戴住一個可以蓋住耳仔嘅耳機聽歌，坐住架單車飛落來(因為係斜路)，平時見到面會打個招乎，舉吓手，今次直衝直過，自己都想同佢打個招乎，但突然諗起，佢走左啦喎，當回頭一看，已經見唔到佢。

我地鄰居都唔夠五伙，只有佢係咁嘅衣著打扮！所以我好肯定，佢根本未知自己死左。係30號晚見到王太，有話佢知見到王生返工，而王太都話，師傅都係話佢未知自己死左。一對少夫老妻相依為命，而家乘低一個接近八十歲嘅女人係到！雖然簡單，但心情真係好Sad....