日記~22/1/2021/押返自己國家繼續服刑 (Patreon)

星期五 21°C 晴昨晚因為食左藥~感冒三寶藥（頭痛、感冒、鼻水）都叫做幾好瞓，中途冇起身，有醒過。今日在單人倉等職員帶我們去新翼水房（沖涼房）等自己的期數Join入去，今日得我及另一位囚友共兩人，閒談中得知他被告非禮一位男仕罪成拍緊（剛剛昨日拍正）他說申請上訴中，唉! 希望佢唔

星期五 21°C 晴

昨晚因為食左藥~感冒三寶藥（頭痛、感冒、鼻水）都叫做幾好瞓，中途冇起身，有醒過。今日在單人倉等職員帶我們去新翼水房（沖涼房）等自己的期數Join入去，今日得我及另一位囚友共兩人，閒談中得知他被告非禮一位男仕罪成拍緊（剛剛昨日拍正）他說申請上訴中，唉! 希望佢唔好來石壁，不過經驗話我知，機會好大！國

返回自已期數後，食過早飯，睇電視，食過午餐粥及包，都係同之前一樣，會留在活動室做自己嘢! 突然有位由大洲(喜靈洲)來的外國囚友，原來他來自哥倫比亞，鄉音很重，英文識講唔識寫，他想我幫佢寫封英文信，好在唔太難，可以順利完成。原來他要押返哥倫比亞繼續服刑，由此我才知道，外籍囚犯原來可以返回自己國家繼續坐監，當然係國際罪行，例如犯毒。之後又有一位來自東非的毒犯，同佢傾左一陣，原因他們太窮，運一次毒足夠一家人生活幾年，所以佢地會去博一博。

無驚無險又一日，晚飯後回到3F 單人倉，同囚友阿文及阿樂講起2019社會事件….拋過係唔同啲! 他們都係同路人，都係非法集結及暴動罪入獄。

PS: 哥倫比亞囚友送左一張高非狗手繪圖比的，寫左個名Alax 大家只係見左一日都無，攬攬之後，應該無機會再見。