日記~26/1/2021~囚犯的人權 (Patreon)

星期二 睛 20C一早出倉，又要去石壁監獄醫院食藥，發現佢地誤會了兩個唔同科的藥，將眼科覆診藥當特別內科，我之前講得好清楚，兩個專科，尚餘兩粒，懲教搞出做大頭佛，亂七八糟，囚友講多兩句又唔願聽，自把自為。真係好擔心唔夠藥！明早再嘈過。食完早飯/工作/食午餐/都冇特別，特別在依家

 星期二 睛 20C

一早出倉，又要去石壁監獄醫院食藥，發現佢地誤會了兩個唔同科的藥，將眼科覆診藥當特別內科，我之前講得好清楚，兩個專科，尚餘兩粒，懲教搞出做大頭佛，亂七八糟，囚友講多兩句又唔願聽，自把自為。真係好擔心唔夠藥！明早再嘈過。

食完早飯/工作/食午餐/都冇特別，特別在依家執正晒，某囚友叔叔做返高一位級，唔使拖地改為掃地，另一位囚友就回復拖地工作，但囚友叔叔唔明，所以向我講咗幾句話B仔佢哋唔出聲，冇明確指示，呻兩句同佢傾吓囉！

沖涼了，點知唔太熱，對我冇問題咪沖，點知班大哥想轉場，咁咪着返衫，冇所謂，我同某某囚友都開始沖。（點知有監督巡視，明顯鎖咗之後又門，但有某大佬囚友要玩嘢，要去屙尿，仲話要搞事）親眼見證，其實資深同受咗幾年啲囚友大哥，真係有條件同職員講數玩嘢，因為佢哋知道什麼可以做，職員啲弱點係咩? 其實大家和和氣氣咪幾好囉！最後職員都必須開門比佢去厠所，因為如果唔比佢去係遺犯人權，職員最怕就係囚犯身體/心靈/情緒出現問題，所以監獄內除了有醫院外，也有心理組及心理專家。

今日收到囚友忠哥一封由元朗天水圍區議員寄來的一封信，嚇了一跳，職員見係區議員份外緊張，原來議員信要簽收。忠哥在塘福一切安好（荔枝角B仔） ！

晚上很靜，天氣回暖，但石壁比市區低少少。

B仔開始同我傾吓計，今晚佢見到‘鴻仔’話佢係火魔，開心係得到囚友信任，大家對我都幾好。