日記~27/1/2021~監獄的明爭暗鬥 (Patreon)

星期三 晴 一向宮廷鬥爭劇永遠係最受歡迎，明爭暗鬥一翻，宮女們想自保都好困難，原來日記要出冊前14日審批，所以由12月啲日期要再寫，所以暫時會亂了一陣子，但總希望日記可以帶出去，始終係自己難忘的日子，多謝化名（焯）的囚友提點。（因為2019年，眼睛中了多次胡椒噴霧，導致眼睛角膜受

星期三 晴 

一向宮廷鬥爭劇永遠係最受歡迎，明爭暗鬥一翻，宮女們想自保都好困難，原來日記要出冊前14日審批，所以由12月啲日期要再寫，所以暫時會亂了一陣子，但總希望日記可以帶出去，始終係自己難忘的日子，多謝化名（焯）的囚友提點。（因為2019年，眼睛中了多次胡椒噴霧，導致眼睛角膜受損。所以直致現在2023年依然要到眼科覆疹，當然在囚時須要覆疹，而今日2021年1月27日覆疹的眼藥水已交由我自已保管，唔使晚晚夜藥滴抗生素，大家方便）

在外界職場明爭暗鬥，原來去到邊度都有，我只係想平安渡過，開開心心9月出去。今日係第一次開大會，相討我去覆診時誰去替代我的工作，好簡單，大家分工做咗佢！因為黑社會慣性去爭做B仔(大佬)，因為做B仔有好多油水，所謂一塊肥肉，就會多人去爭，明爭暗鬥。監獄真的會風雲變色，唔單止囚友同囚友爭，就連職員同職員鬥升職，囚友跟職員鬥因為工作量的問題及有否利益(例如做士多、收倉煙、洗衫煙等等)。

晚上回倉有踢竇，總之安分守己就唔使驚，平安渡過！