日記~28/1/2021/無能的懲教職員 (Patreon)

星期四 晴 21C 今朝一早去醫院食早藥，終於職員解決了我啲藥問題，(早前因我有兩個專科藥，懲教職員將兩個藥調轉左)。我相信應該係醫院已交荔枝角，只係荔枝角忘記交到石壁，最後一粒今日食完了，藥要明天下午到，希望一切順利啦。荔枝角有1,5XX囚犯，而石壁只得3XX幾，到底係職員無能

星期四 晴 21C 

今朝一早去醫院食早藥，終於職員解決了我啲藥問題，(早前因我有兩個專科藥，懲教職員將兩個藥調轉左)。我相信應該係醫院已交荔枝角，只係荔枝角忘記交到石壁，最後一粒今日食完了，藥要明天下午到，希望一切順利啦。荔枝角有1,5XX囚犯，而石壁只得3XX幾，到底係職員無能，定係太多嘢做所以忙中有錯情有可原?

今日都係如常工作，到了下午，今天中午係某套劇大結局，好多囚友追劇，我就去了探訪室，李俊威議員今日探訪14:00～15:00 (原來議員探訪，係有另一個探訪室而且有一小時)，感謝大家不忘手足！所以我錯過了大結局…. 而另一新劇無心法師IV才是我的至愛，唔知有冇得睇！ （在探訪完，返回活動室，有囚友因為坐位問題而嘈交，好激烈，好在無打交，黑社會嘈交第一次見）

好快又到晚飯，我同最好的囚友傾偈叫佢教我英文（2個degree ）佢又喜歡睇英文書，係學習的好機會，總比爭名奪利去古惑一番來得正面！