日記~29/1/2021~懲教醫官派藥亂七八糟!(小TIPS) (Patreon)

星期五 晴 14C～21C

星期五，要食藥，可惜有部份誤會，懲教的懶散錯誤，懲教內的醫生就是這樣，唔聽病人講病歷，職員又唔用心去了解病人的”醫健通”上的資料。

結果受害的就是有病的囚犯: 早藥冇咗就須要等下午荔枝角送藥到石壂，下午派藥時依然未收到，只有等夜藥，點知夜藥都搵唔到，結果要回倉等，消息係如果搵唔到藥，就要去急症室攞藥 (這是一位年青的懲教督察見我時，教我的一些小TIPS，當自己覺得有須要，可以要求職員打999 去醫院，包括如何有黑社會作出恐嚇，當然必須理由充足啦)。結果回倉等，一半好消息一半壞消息，好的搵到藥，壞的要明早食，冇食一日藥，唔知會點？只好待覆診時同醫生講。（今日都係正常工作，而且有出操場運動）

出糧分前後期，意外原來有$300一個月，在囚中，包食包住冇車費， 300蚊買零食已經好足夠。不過撞正派糧日不在，只好在後期去買！如果係吸煙者，就真係唔夠，在糧單上買一包煙要件$50……還柙可以入煙，但定罪後就只有物資沒有食物。

星期一晚空肚，石壁內醫院通知我，因為要抽空肚驗血，所以應該星期二又要出荔枝角覆診！