日記~30/1/2021~寫信的禁忌 (Patreon)

星期六 晴上午做完正常工作後 (石壁有四層，而流倉負責一半清潔工作，由四樓A.B.C.D.E.F 都係流倉負責，例如1F / 2F / 3F / 4F…..我們由四樓開始，有人掃地/有人拖地/有人抺窗，兩個小時內就做完)。一直喺活動室寫信寫日記，因為了解咗禁忌之後 (因為自己唔

 星期六 晴

上午做完正常工作後 (石壁有四層，而流倉負責一半清潔工作，由四樓A.B.C.D.E.F 都係流倉負責，例如1F / 2F / 3F / 4F…..我們由四樓開始，有人掃地/有人拖地/有人抺窗，兩個小時內就做完)。一直喺活動室寫信寫日記，因為了解咗禁忌之後 (因為自己唔清楚有什麼可以寫，什麼唔可以寫，成日比保安召見，彈信。原來唔可以寫有人做粧賭波，唔可以寫新年囚友派利是，唔可以寫自製生日蛋糕)，所以須要重寫。工作過程中，已經可以同囚友開玩笑，咁樣日子會過得輕鬆點。好怕啲吵吵鬧鬧明爭暗鬥嘅場面！

下午寫寫吓突然有囚友同我講心事，我一向邏輯思維比較強又口直心快人，一下就指明佢缺乏安全感同古惑眼神；一堆佢自己身世，家族生意另佢煩惱，聽完就算，佢想點我知道嘅。呢位囚友係犯毒入獄，家竟富裕，但係家族都係做偏門生意！

今日有個新囚友入咗流倉(清潔期)，原來已經出冊，但一出冊又即刻有另一條褲喺荔枝角再還柙(recall)，唉！年青人，都係有大佬嗰種(黑社會，打交傷人/犯毒)。（留喺度一陣，星期二去荔枝角）