日記~8/2/2021 ~ 情緒壓力見心理 (Patreon)

陰 星期一 今日原本福行官有活動，但一整天都冇消息，Forgot it！小朋友(嘉豪)今日落山(分配去期數即工作坊)，可惜到了下午出操場時，見到佢話壓力太大要見心理醫生，去向未知，只知去了醫院（也是一件好事）早上見到佢，話冇筆用，只好俾咗自己嗰枝佢，反正妹妹昨天入咗兩枝俾我。對小

陰 星期一

今日原本福行官有活動，但一整天都冇消息，Forgot it！小朋友(嘉豪)今日落山(分配去期數即工作坊)，可惜到了下午出操場時，見到佢話壓力太大要見心理醫生，去向未知，只知去了醫院（也是一件好事）早上見到佢，話冇筆用，只好俾咗自己嗰枝佢，反正妹妹昨天入咗兩枝俾我。對小朋友嘅事（嘉豪）愛莫能助，有點唔舒服，自己也需要調節下自己情緒。（知道小朋友嘅期數係隔籬都安慰啲，起碼好近，見面機會多！而這個期數係負責派飯，全部都係黑社會，小媽擦蟹是必然。對於一些從未接觸過的文人真係好大壓力。）

操場見到興叔，明天又有新手足入來，真係心情好唏噓，今日有三個新人，雖然唔知犯咗咩事，但始終會留係到幾日，三個都叫阿明（兩個年青，一位大叔）。

我冇同佢地傾計，自己做自己嘢，俾左枝筆嘉豪，希望佢平安順利啦！我一直等緊妹妹嘅物資，可能太多人拜山，太多東西要處理，食完飯返到倉啦！相信要星期二啦！收到消息嘉豪入咗醫院等見心理醫生！希望平安渡過！