日記~9/2/2021~一個走一個來 (Patreon)

晴天 星期二 雖然擔心，但愛莫能助，自己力量有限（可以說冇能力），起床出倉食早飯工作…一切如常，去到閘口時，某職員通知我參加釋前輔導班常(即係出獄前心理輔導班)，之後繼續工作（大約9:30左右）途經二樓宗教室，突然有人叫我，而我老細問邊個係4196X0，當然答係我，當時福利官要求

晴天 星期二

雖然擔心，但愛莫能助，自己力量有限（可以說冇能力），起床出倉食早飯工作…一切如常，去到閘口時，某職員通知我參加釋前輔導班常(即係出獄前心理輔導班)，之後繼續工作（大約9:30左右）途經二樓宗教室，突然有人叫我，而我老細問邊個係4196X0，當然答係我，當時福利官要求我即時去見佢，但老細Reject咗，問我咩事，當然係照直講參加釋前輔導班。做完工作後，即刻有人call我去宗教室聽歌睇片傾計，中午放飯，下午繼續…多了峰及強！四點半左右完了「社會活動小組」。

晚上得知消息，即晚送咗小朋友(嘉豪)去小欖，真係令人擔心，唔知小欖是個怎樣的地方。另一個擔心係一個走，一個來，新人又有一個手足來，藏有煙霧彈，自制（厲害），同樣24歲(盧俊希)，阿希有係荔枝角拋過，中二學歷，但有社會經驗，情緒係穩定好多！晚飯照顧下阿希係比較好啲，佢始終人生路不熟，回倉就俾份報紙佢睇，俾左兩包餅佢食宵夜！