日記~10/2/2021~飛針 (Patreon)

雨天 星期三 昨晚的巨風太厲害，好嘈呀！半夜就落大雨了，早上唔想起身（是我第一次有這種感覺）。平時6:30就會自動起床，今日6:50左右先起身！7:30出倉，見到新人阿希(手足盧俊希)打個招呼便去飯堂食飯，都係帶住佢一張枱食早飯啦！食完當然如常工作啦！ 中午食粥時，有其他期數囚友

雨天 星期三

昨晚的巨風太厲害，好嘈呀！半夜就落大雨了，早上唔想起身（是我第一次有這種感覺）。平時6:30就會自動起床，今日6:50左右先起身！7:30出倉，見到新人阿希(手足盧俊希)打個招呼便去飯堂食飯，都係帶住佢一張枱食早飯啦！食完當然如常工作啦！

中午食粥時，有其他期數囚友一齊，都講起去咗小欖嘅小朋友(卓嘉豪)事跡話佢孭住簿（醫療簿）去小欖，會俾人飛針（打懵仔針）唉！無能無力，愛莫能助，好無奈，只好祝福他一切平安。下午老細休息，就趁機會回下信啦！回俾工會信，筆友未有時間回，來緊四日公眾假期，大把時間，況且妹妹在2月7日入咗三本小說”執行者”，今日睇咗少少。差不多晚飯了，四位新人指模房回來了，一位手足阿希，一位叔叔打劫，兩位小朋友DD(犯毒)！

晚飯見到華叔，告知他嘉豪嘅事，他說嘉豪可能返回石壁後會去佢個期數，我覺得冇咩可能，阿SIR又係敷衍下，不過我都想佢返來。阿爵講佢個期數要人，跟佢都唔錯。（”喰種”全部由囚友栗米借俾我睇）