日記~11/2/2021~監獄內的年三十晚 (Patreon)

陰/晴 星期四 年三十晚 年三十晚，一切如常起身，早飯後工作，午餐都如常，但到了晚餐就是今天的重點開始，今晚食雞髀，一年只有三隻雞髀：聖誕節、農曆新年及中秋節。今年中秋剛係9月23日，小弟我就係9月26日出冊，三隻雞髀全收，而臘腸一年一次（年初二食）。 最精彩係返倉後，因為我食夜

陰/晴 星期四 年三十晚

年三十晚，一切如常起身，早飯後工作，午餐都如常，但到了晚餐就是今天的重點開始，今晚食雞髀，一年只有三隻雞髀：聖誕節、農曆新年及中秋節。今年中秋剛係9月23日，小弟我就係9月26日出冊，三隻雞髀全收，而臘腸一年一次（年初二食）。

最精彩係返倉後，因為我食夜藥所以遲咗返倉，回到時見到有一包「真魷味、兩隻角仔、一條朱古力」係房入面的枱面，途經囚友倉門時，囚友已互相恭喜，阿發突然說新年快樂，都好感動，當然我口頭回禮，以我一個陌生人唔識規矩，什麼都冇準備！而家才明白阿林叫我「新年喎要買嘢㗎」是什麼意思！原來監獄內的新年，對大家來說，都像牆外一樣會互相祝賀。

當我攞報紙俾B仔`阿軒時，途經其他囚友倉，大家不停互相恭喜，有囚友互相祝福，令人好溫暖。經過一番送來送去之後，回倉休息，他們依然恭喜來恭喜去，這件真係一件盛事，對囚友們一定係好開心。