日記~12/2/2021~大年初一食齋 (Patreon)

陰/晴 星期五 年初一今日大年初一，一早起身，摺好被執好床，換一件洗乾淨嘅衫，當職員來開鎖時，就互相祝賀一番「步步高陞」、「早日出冊」、「平安過渡」、「身體健康」。出倉了，見到囚友當然會互相祝賀一番。當大家由四樓一路行，一路同各職員祝賀直到去到活動室，再轉至飯堂。年初一食齋、南乳、枝竹、粉絲、木耳、芹菜，就是如此，當然屋企會好味得多（好想食冬菇）。早飯過後便返回活動室那邊。各囚友有各自單位，他們利用食飯嘅碟，放入自己用糧單買嘅零食做成一個全盒，同拜年一樣，他們好雀躍及興奮。他們雖然大部份都有黑社會背景，但係好著重節日，可能在囚中比較悶啦！佢地用豪氣而溫暖嘅方式祝賀真係幾搞笑「勁過牛鞭」、「小極唔出」…唉！好多呀！哈哈！有些囚友可能平時少見面，聚埋一齊傾計，玩結他唱歌，睇電影等等，大家忙個不停，只有我及小數坐在一邊睇書寫信。相信咁樣嘅場面，在獄中真的不多，始終一年一次，互相也會用零食當利是，由長輩派比後輩，做冬都是冷清的，相信中秋同過年會比較熱鬧！今年9月21日中秋節，到時應該有人走咗(出左獄)但又會有新人到來。