日記~14/2/2021~監獄寄監獄的信 (Patreon)

晴 星期日 年初三 18°C 由2019年12月1日至今，石壁只下過一天雨，今日大衛Day輪到在活動室1, 2, 3加走廊活動，照舊早飯便到活動室。 冇嘢做只好繼續寫不停回信及寫日記，當其他期數加入時，人多了就開始嘈，亂掉垃圾，電視開到100，又要睇大陸台，直到播電影才靜下來，

晴 星期日  年初三 18°C

由2019年12月1日至今，石壁只下過一天雨，今日大衛Day輪到在活動室1, 2, 3加走廊活動，照舊早飯便到活動室。

冇嘢做只好繼續寫不停回信及寫日記，當其他期數加入時，人多了就開始嘈，亂掉垃圾，電視開到100，又要睇大陸台，直到播電影才靜下來，點知內地人”瘋峰”入到來就貼實我問長問短，他無論思想行為都好似小孩子一樣，很煩！但係佢講國語，又冇咩人肯同佢講嘢，佢只好貼實我啦！昨晚見到阿希摺嘅玫瑰好靚，所以今日要求佢教我，所以今日就學識點摺，送了一個俾安爺，送了一個俾佳哥。

下午又在走廊唱吓歌，當然自己學習一吓唱下和音(高3低4)，等自己個結他同歌譜到了，就可以好好自己練習多一點點！自己太耐冇彈，練下先啦！唱歌都係，太耐冇唱，要唱多啲開返聲先得！今晚見到華叔，話嘉豪可能去唔到C1期數跟佢，真係有點擔心。決定明天寄一封信俾佢，希望佢睇完可以明白自己處境能夠洗脫不安的感覺同情緒。原來由監獄寄去另一監獄，係需要寫入「監頭簿」而無須貼上郵票。