日記~ 15/2/2021 ~ 真正的石牆花 (Patreon)

晴 星期一  年初四今日大年初四，可能昨日飲咗奶茶，晚上睡得不大好，清晨五點幾就醒左，6:30起身，今日全日活動都在飯堂，昨日阿希教我摺玫瑰。今日在飯堂練習點摺、睇報紙同寫信。中午賢仔(B仔)見到又要學摺，阿發又話想要，俾咗阿發又俾阿肇攞咗，只好再摺一個俾佢。內地人阿峰真係好L煩，Pantry冇人同佢講嘢，成日走來同我傾，自己又唔識又要同人拗，懲教所又話收押所（塘福），人地話星期二，自己就話明天，可能係23號下午星期二，大陸豬就係豬，行為思想明明已經40歲，成個小朋友咁低低地，激到我唔想同佢講說話，成個小朋友咁乜都問，改佢花名’瘋峰’ 真係無錯。囚友”栗米”今日一整天都拿着結他，在煙房(如果有囚友要吸煙，必須入去吸煙房，這方面對非吸煙囚友很好）唱歌，本想入去Jam下歌，可惜啲歌我又唔太識。今日食早4:30pm，返過活動室時，阿希話明日落山（知道期數去Pantry），心情有點緊張，只好告訴他平常心去對待。今日最後一日假期，明天正式回復正工作，眼見已經”西林”(粗口:意思係垃圾已經堆積如山，亂七八糟) 了，明天必定很忙！PS:石牆內學習的摺花，係真真正正的石牆花，心想出獄後可以摺此花幫”石牆花”籌款。可惜出獄前”石牆花” 及”職工盟” 都消失了……今時今日已經不能再籌款….網上有得學:【摺紙教學】情人節送禮必看：漂亮的玫瑰花🌹｜Beginneros - Bing video